Владыко Вседержителю, Святый Царю. Призри с небесе и виждь, како враждуют людие земли малороссийския и замышляют друг на друга суетное и злобное. О, Многомилостиве! Прости грехи и беззакония братьев и сестер наших в Малороссии сущих, ихже ради многия скорби, беды и устрашения приидоша на них. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения в Малороссии. Усердно молим Тя: мир Малороссии даруй, Церкви Твоей и всем людем земли малороссийския. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков."